Pse doli emri i Behgjet Pacollit në dosjen Epstein? Kastriot Fetahaj jep shjegimin e tij në Kosova live

Lajme

Gazeta Express

04/02/2026 17:34

Eksperti i sigurisë kibernetike Kastriot Fetahaj ka sqaruar në emisionin Kosova Live se emri i Behgjet Pacolli është përmendur padrejtësisht në lidhje me dosjen Jeffrey Epstein, pa pasur asnjë provë apo implikim real.

Ai theksoi se përfshirja e emrit të Pacollit ka ardhur vetëm si referencë teknike brenda dokumenteve, konkretisht përmes një emaili ku një person pyet “kush është Behgjet Pacolli?” dhe i bashkëngjitet një video e tij.

Sipas Fetahajt, kjo nuk përbën asnjë lidhje me çfarëdo skandali seksual apo abuzimi me të mitur.

“Është shumë e rrezikshme të lakohet emri i dikujt vetëm pse figuron në një komunikim të rastësishëm. Në rastin e Pacollit nuk ka asnjë implikim, vetëm një përmendje informuese”, u shpreh ai.

Eksperti apeloi që media dhe publiku të mos nxjerrin përfundime të nxituara, pasi përmendjet pa kontekst mund të dëmtojnë padrejtësisht reputacionin e individëve.

Video nga intervista: