“Deaf” në Kino Armata

Arte

Gazeta Express

03/02/2026 14:20

Këtë javë, me 4 shkurt, Kino Armata shfaq filmin e radhës të nomuar për Çmimin LUX të Audiencës, ‘Deaf’(2025) nga regjisorja Eva Libertad.

Shurdhësia e Angelës ngre shqetësime gjatë shtatzënisë së saj në lidhje me lidhjen me të bijën. Pas lindjes, partneri i saj Héctor e mbështet atë ndërsa ajo mëson të jetë nënë në një shoqëri ku mungojnë akomodime të përshtatshme për personat me dëgjim të dëmtuar.

Eva Libertad është regjisëse spanjolle e njohur për qasjen e saj të ndjeshme, vëmendjen ndaj detajeve dhe fokusin te përvojat njerëzore që rrallë shihen në ekran. ‘Deaf’ është filmi i saj i parë i gjatë dhe shënon një hap të madh në karrierën e saj si një zë artistik që sfidon stereotipet dhe sjell tregime të fuqishme për komunitetet e margjinalizuara.

Çmimi Lux i Audiencës është i vetmi çmim i publikut ku qytetarët vendosin fituesin, në nivel global! Pra, mos harroni të mbështesni filmat thjesht duke i vlerësuar në faqen e internetit të @luxaudienceaward!