Džeko rikthehet në Gjermani pas 15 vjetësh!

Sport

Gazeta Express

22/01/2026 16:41

Schalke 04 ka firmosur marrëveshjen për Edin Džekon nga Fiorentina, me një kontratë afatshkurtër deri në fund të sezonit, të bazuar në performancë dhe objektivin kryesor: ngjitjen në Bundesligë.

Sulmuesi boshnjak, i cili kontaktoi vetë klubin, u bind të zgjedhë Schalke-n falë trajnerit Miron Muslic dhe mbrojtësit Nikola Katic, bashkëlojtar i tij në kombëtare.

“Është mbresëlënëse si skuadra ka zhvilluar këtë sezon. Dua të jap gjithçka për të qenë të suksesshëm në gjysmën e dytë,” tha Džeko.

Schalke kryeson 2.Bundesligën me një mbrojtje të fortë, por ka mungesë sulmi – ardhja e Džekos pritet të rrisë golat dhe ta ndihmojë skuadrën të kthehet në elitën gjermane.

Džeko rikthehet në Gjermani pas suksesit me Wolfsburgun, ku shënoi 85 gola në 142 ndeshje dhe fitoi titullin e Bundesligës në 2009. /GazetaExpress