Policia gjen targa të veturave te ura në Shkabaj që është liruar për qarkullim pas vërshimeve, i fton pronarët t’i marrin

Lajme

Gazeta Express

14/01/2026 23:38

Policia e Kosovës ka njoftuar qytetarët se pas normalizimit të kushteve atmosferike, rruga nën urën e fshatit Shkabaj, është liruar për qarkullim. Në njoftim thuhet se shoferët mund të lëvizin lirshëm, por me kujdes dhe shpejtësi të reduktuar.

Po ashtu, theksohet se në atë zonë janë gjetur disa tabela të automjeteve, të cilat janë dorëzuar në Stacionin Policor në Obiliqit.

Policia ka ftuar pronarët e këtyre tabelave që të paraqiten në stacion policor për tërheqjen e tyre.

Njoftimi i plotë:

Njoftohen qytetarët se, pas normalizimit të kushteve atmosferike, rruga nën urën e fshatit Shkabaj, është liruar për qarkullim.

Shoferët mund të lëvizin me kujdes dhe me shpejtësi të reduktuar.

Në atë zonë, janë gjetur disa tabela të automjeteve,  të cilat janë dorëzuar në Stacionin Policor në Obiliqit.

Andaj, ftohen pronarët e këtyre tabelave që të paraqiten në stacion policor për tërheqjen e tyre.