Irani shpesh vendos kufizime në internet gjatë periudhave të trazirave, përmend “arsye sigurie”

Lajme

Gazeta Express

09/01/2026 14:04

Organizata për monitorimin e internetit, NetBlocks, raportoi në orën 04:30, sipas kohës lokale, këtë mëngjes se “Irani ka qenë pa internet për 12 orë, ndërsa lidhshmëria kombëtare ka mbetur pothuajse e bllokuar, duke arritur vetëm rreth 1% të niveleve normale.

Iranianët që janë online kanë thënë se nuk kanë mundur të kontaktojnë anëtarë të familjes, madje as përmes linjave fikse, që nga nata e kaluar, shkruan BBC, transmeton Gazeta Express.

Autoritetet iraniane kanë vendosur herë pas here kufizime në internet gjatë periudhave të trazirave, duke përmendur arsye sigurie dhe sulme të dyshuara kibernetike. Mbyllja më e fundit e internetit ndodhi gjatë luftës 12-ditore me Izraelin në verë, kur zyrtarët dhanë të njëjtat arsye.

Gjatë një prej ndërprerjeve të internetit në vitin 2019, pas rritjes së çmimit të karburantit, qindra protestues u vranë, sipas organizatave për të drejtat e njeriut dhe detajet dolën vetëm pasi u rikthye qasja në internet.

Video nga protestat e natës së kaluar ende qarkullojnë online.