Lideri separatist i Jemenit akuzohet për tradhti, ndërsa Arabia Saudite sulmon forcat

Lajme

Gazeta Express

07/01/2026 18:22

Këshilli presidencial i mbështetur nga Arabia Saudite në Jemen ka dëbuar udhëheqësin e një grupi separatist dhe e ka akuzuar atë për tradhti pasi ai nuk arriti të fluturojë për në Riad për bisedime, ka raportuar BBC, transmeton Gazeta Express.

Gjashtë anëtarë të tjerë të presidencës akuzuan Aidarous al-Zubaidi, kreun e Këshillit Kalimtar Jugor (STC) të mbështetur nga Emiratet e Bashkuara Arabe, për “minimin e pavarësisë së republikës”.

Një koalicion ushtarak i udhëhequr nga Arabia Saudite tha se Zubaidi “iku” pasi nuk u bashkua me zyrtarët e STC në një fluturim nga Aden dhe “zhvendosi një forcë të madhe” në provincën al-Dahle. Avionët e koalicionit nisën sulme ndaj forcave në përgjigje, shtoi ai.

STC tha se sulmet, të cilat thuhet se vranë katër persona, ishin “të pajustifikuara” dhe se Zubaidi ishte ende në Aden.