“Sentimental Value” në Kino Armata

Arte

Gazeta Express

16/12/2025 15:28

“Sentimental Value” (2025 i regjisorit danezo-norvegjez Joachim Trierdo të shfaqet më 20 dhjetor, nga ora 19:00 në Kino Armata.

“Sentimental Value” është një ndër pesë filmat e nominuar për Çmimin LUX të Audiencës (Lux Audience Award), i cili është çmimi më i madh i filmit të zgjedhur nga audienca në Evropë, ku qytetarët zgjedhin fituesin së bashku me Anëtarët e Parlamentit Evropian. Si publiku ashtu edhe eurodeputetët mund t’i vlerësojnë filmat online. Filmi me totalin më të lartë të pikëve – ku vota e publikut dhe ajo e eurodeputetëve kanë peshë të barabartë prej 50% secila – do të fitojë Çmimin LUX të Audiencës. Fituesi do të shpallet në Ceremoninë e Çmimit LUX, e cila do të mbahet në Parlamentin Evropian në Bruksel më 14 prill 2026.

LUX Audience Award jepet çdo vit nga Parlamenti Europian dhe Akademia Evropiane e Filmit, në partneritet me Komisionin Evropian dhe Europa Cinemas.

Përshkrim i shkurtër:

Motrat Nora dhe Agnes ribashkohen me babanë e tyre të larguar, Gustav, një regjisor dikur i njohur, i cili i ofron aktores së skenës Nora një rol në filmin që ai shpreson të jetë rikthimi i tij. Kur Nora e refuzon, ajo së shpejti zbulon se ai ia ka ofruar rolin një ylli të ri, ambicioz të Hollivudit.

Rreth regjisorit:

Joachim Trier është regjisor dhe skenarist norvegjez i njohur për filmat e tij me fokus në karaktere komplekese, marrëdhënie njerëzore dhe tema identiteti, nostalgjie e emocioni.
Ai është konsideruar një nga zërat më të fortë të kinemasë nordike bashkëkohore. Njihet për filmat, Reprise (2006), Oslo, August 31st (2011), The Worst Person in the World (2021) etj.