Hapen audicionet për filmin “Serra”

Arte

Gazeta Express

11/12/2025 15:26

Është bërë e ditur që janë hapur audicionet për filmin “Serra” me regji të Aulona Selmanit.

Filmi sjell historinë prekëse të një familjeje 14-anëtarëshe në një fshat të largët të Kosovës, e cila tronditet nga një lajm i papritur dhe i rëndë që vjen nga jashtë vendit: patriarku i familjes, Dritoni, ka pësuar një aksident të rëndë. Ndërsa përpiqen të përballojnë dhimbjen dhe pasigurinë, familja izolohet gjithnjë e më shumë nga bota, teksa përballen me procesin e ndërlikuar dhe të lodhshëm të vizave.

Filmi ndjek Dritën, gruan e Dritonit, dhe vajzën e tyre adoleshente, Elonën, në përpjekjet e tyre për të ruajtur unitetin, fuqinë dhe shpresën, ndërsa përballen me dinamika të brendshme familjare dhe peshën e një të ardhmeje të paqartë.