“Kur kesh fukara ma honger qeni pulën, kur u bona pasanik ma honger sakicën” – Krahasimi i Hoxhës: VV për herë të parë në defansivë

Lajme

Gazeta Express

03/12/2025 21:26

Në Pressing, debati për jetën e qytetarëve nën qeverisjen Kurti – nga çmimet, energjia, pagat e deri te zhvillimet zgjedhore – ka nxjerrë një deklaratë të drejtpërdrejtë nga Dibran Hoxha. Përballë panelit të përbërë nga Valon Syla, Ilir Mirena, Blerim Latifi dhe Nexhmedin Spahiu, Hoxha tha se tema e energjisë është pika që po e nervozon Vetëvendosjen dhe e ka vënë për herë të parë në pozitë mbrojtëse.

Ai e krahasoi situatën me një anekdotë popullore: “Kur kesh fukara ma honger qeni pulën, s’të besojnë. Kur u bo pasanik ma honger sakicën – po po, qeni e han sakicën”.

Sipas Hoxhës, kur ishte në opozitë, VV-ja e kishte luksin që çdo fjalë t’i ecte dhe shumicën e narrativave t’i krijonte vetë.

“Dmth VV ka qenë pasanike me këtë sensë në opozitë, cfarëdo që ka thon i ka ec, e shumicën për tyne i ka ngjiz. Kur ka thon VV që u privatizu në mënyrë të tmerrshme KEDS’i ka pasë të drejtë, VV’ja ka ardhë me 51% me nacionalizu KEDS’in”, tha Hoxha.

Ai shtoi se problemi i VV-së sot është pikërisht ardhja në pushtet.

“Mallkimi i VV është pse ata kanë ardh në pushtet, se të kishin nejt në opozitë, na kishin majt me qito rrëfime, ska llafe, ish dasht me pas punë”, tha ai.