Ali Ahmeti pas takimit më Lladrovcin, Hamzën e Lushtakun: Vetëm të bashkuar arrihen fitoret më të mëdha

Lajme

Gazeta Express

24/11/2025 22:50

Kryetari i BDI-së, Ali Ahmeti, gjatë qëndrimit në Kosovë ka takuar kryetarin e Drenasit, Ramiz Lladrovci, kryetarin e PDK-së Bedri Hamza dhe kryetarin e Skënderajt Sami Lushtaku.

Ahmeti, krahas pamjeve të publikuara tha se fitoret e mëdha arrihen vetëm të bashkuar.

Postimi i tij i plotë:

Sot në Drenas, Skenderaj dhe Prishtinë pata kënaqësinë të takoj dhe të uroj miqtë e mi: Ramiz Lladrovcin për mandatin e ri në krye të Drenasit, Sami Lushtakun për mandatin në krye të Skenderajit dhe Bedri Hamzën për detyrën e re si Kryetar i Partisë Demokratike të Kosovës.

Këto ditë të rëndësishme sjellin jo vetëm përgjegjësi të reja, por edhe një mesazh të fuqishëm për bashkim, unitet dhe koordinim mes të gjithëve që punojnë për interesin e përbashkët të qytetarëve dhe të Kosovës.

Vetëm të bashkuar, me vullnet të mirë dhe me vizion të qartë, arrihen fitoret më të mëdha.