SHKK parandalon futjen e sendeve të kundërligjshme në Qendrën Korrektuese të Dubravës

Lajme

Gazeta Express

24/11/2025 15:02

Shërbimi Korrektues i Kosovës ka njoftuar se sot në Qendrën Korrektuese në Dubravë është parandaluar futja e gjësendeve të kundërligjshme.

“Shërbimi Korrektues i Kosovës njofton se sot, në Qendrën Korrektuese të Dubravës, gjatë një bastisjeje në zonën sterile është parandaluar futja e sendeve të kundërligjshme në institucion.  Aksioni u zhvillua në bashkpunim me institucionet e sigurisë dhe NJIK-un,  i cili rezultoi i suksesshëm në ndalimin e këtij tentimi.”

Bëhet fjalë për tri pako me drogë, tre telefona dhe dy adapterë.

SHKK thotë se kanë nisur hetimet.

“Zyrtarët korrektues kanë identifikuan tri pako që përmbanin sasi të dyshuara narkotike, tre telefona celularë pa numra serik, dy iPhone, një Samsung, një Viko, si dhe dy adapterë telefoni. Për rastin janë njoftuar edhe policia, të cilat kanë sekuestruar materialet e gjetura, ndërsa Shërbimi Korrektues i Kosovës ka nisur hetimet përkatëse. Shërbimi Korrektues i Kosovës mbetet i përkushtuar ndaj rritjes së sigurisë dhe parandalimit të kontrabandës brenda institucioneve korrektuese.”