Faton Ahmeti: Kongresi i Manastirit i hapi rrugë arsimit shqip dhe forcimit të identitetit tonë kombëtar

Maqedoni

Gazeta Express

22/11/2025 13:43

Sekretari i përgjithshëm i Bashkimit Demokratik për Integrim, Faton Ahmeti përmes një postimi ka kujtuar 22 Nëntorin e vitit 1908 kur në Manastir u mblodhën figura të shquara si Gjergj Fishta, Mid’hat Frashëri, Gjergj Qiriazi, Parashqevi Qiriazi, Ndre Mjeda e shumë të tjerë, për t’i dhënë kombit tonë alfabetin e unifikuar. Punimet e tyre i hapën rrugë arsimit shqip dhe forcimit të identitetit tonë kombëtar.

“Sot kujtojmë ditën e madhe të vitit 1908, kur në Manastir u mblodhën figura të shquara si Gjergj Fishta, Mid’hat Frashëri, Gjergj Qiriazi, Parashqevi Qiriazi, Ndre Mjeda e shumë të tjerë, për t’i dhënë kombit tonë alfabetin e unifikuar.

Punimet e tyre i hapën rrugë arsimit shqip dhe forcimit të identitetit tonë kombëtar.

Nderim për vizionin dhe guximin e tyre!

Gëzuar Ditën e Alfabetit” ka shkruar Ahmeti!