Autoritetet keniane paguan troll për të kërcënuar protestuesit e Gjeneratës Z, thotë Amnesty

Lajme

Gazeta Express

19/11/2025 20:02

Autoritetet keniane kanë paguar një rrjet trollësh për të kërcënuar dhe frikësuar protestuesit e rinj gjatë demonstratave të fundit antiqeveritare, tha Amnesty International, ka raportuar BBC, transmeton Gazeta Express.

Një raport i ri nga organizata e të drejtave të njeriut tha se agjencitë qeveritare përdorën gjithashtu mbikëqyrje dhe dezinformim për të synuar organizatorët e protestave masive, të cilat përfshiu Kenian gjatë viteve 2024 dhe 2025.

Demonstratat u nxitën kryesisht nga aktivistët e “Gjeneratës Z” të cilët përdorën platformat e mediave sociale për t’u mobilizuar.

Në përgjigje të raportit të Amnesty International, ministri i brendshëm i Kenias tha se qeveria “nuk sanksionon ngacmimin ose dhunën kundër asnjë qytetari”.