“Bukuroshet” po përdorin AI: Influenceret shtojnë kafshë të lezetshme në fotot e tyre – fansat e duan apo frikësohen?

Fun

Gazeta Express

14/11/2025 19:55

Nga trendi i librave të klasës në vitet ’90 tek figurat aksion, inteligjenca artificiale (AI) ka qenë gjithmonë pjesë e trendeve në rrjetet sociale. Tani, influenceret e njohura, shpesh të quajtura “hot girls”, po i bashkohen kësaj vale.

Disa yje të rrjeteve sociale kanë nisur të përdorin chatbot-e për të shtuar kafshë të lezetshme në fotot e tyre, që nga lepuj të butë deri tek kuaj të mëdhenj.

Përdoruesja e X, @jameygannon, e theksoi këtë trend në një postim viral, i cili është parë mbi 14 milion herë.

“Bukuroshet kanë filluar që ta përdorin këtë trend AI”, shkroi ajo, duke ndarë katër shembuj.

“Po shoh foto-surrealizëm me kafshë të lezetshme.”

Fansat duket se janë të ndarë mbi këtë trend. Njëri pyeti nëse ishte “cool apo frikësues”, ndërsa një tjetër u përgjigj: “Më mirë AI se sa keqtrajtim kafshësh!”

Në fotot e postuara nga @jameygannon, katër influenceret shihen të pozojnë me kafshë digjitale. Dy prej tyre rrethohen nga qentë e butë, njëra është ulur pranë lepujve të lezetshëm, ndërsa tjetra ka shtuar një kuaj – gjë që tërhoqi shumë komente pozitive.

“E vetmja e mirë është ajo me kuajt,” komentoi një përdorues.

Një tjetër ironizoi: “Shpresoj që ajo me kuajt ishte vetëm një vajzë që nuk kuptoi se trendi ishte AI dhe e bëri thjesht për t’u dukur relevante.”

Si të provoni trendin e kafshëve me AI

Trendii nuk është shumë i komplikuar: ju duhet vetëm një foto e plotë e trupit, ideja e kafshëve që doni të shtoni dhe akses tek Google AI Studio.

Hapni Google AI Studio

Shkoni në aistudio.google.com – është falas për përdorim. Klikoni Build në panelin e majtë.

Ngarkoni një foto

Zgjidhni një foto me rezolucion të lartë. Për efektin më të mirë, përdorni një foto të plotë të trupit.

Shkruani një udhëzim të qartë

Përdorni përshkrime të detajuara: kafsha, ngjyra dhe sa kafshë dëshironi.

Shembull: “Shto imazhe realiste të shtatë qenve të butë, ngjyrë kafe, pesë duke vrapuar rreth këmbëve të mia dhe dy në duart e mia.”

Rishikoni dhe rregulloni imazhin

Nëse nuk shfaqet menjëherë, prisni disa minuta. Pasi të jetë gjeneruar, rishikoni dhe bëni ndryshimet e nevojshme.

Kur të jeni të kënaqur me rezultatin, klikoni ikonën e disketës për të ruajtur dhe ndarë foton në rrjetet sociale. Sigurohuni ta etiketoni si “AI-generated”.

Përndryshe, aplikacionet e Meta, si Instagram dhe Facebook, automatikisht do të etiketojnë çdo foto që duket se është krijuar ose modifikuar nga AI. /GazetaExpress/