U iku policëve dhe ua drejtoi armën, arrestohet një person në Istog- Policia jep detaje

Lajme

Gazeta Express

13/11/2025 10:23

Policia në Pejë ka njoftuar se në rrugën “Nënë Tereza” në Istog është arrestuar një person për sulm ndaj personit zyrtar dhe armëmbajtje pa leje.

“Drejtoria Rajonale e Policisë në Pejë, Stacioni Policor në Istog, me datën 12.11.2025, rreth orës 13:15, derisa patrulla policore nё rroba civile ishin nё rrugën ‘Nёna Terezë’ nё Istog, kanё vërejtur njё veturё e cila ishte e ndaluar, ku nga zyrtarët policorë ёshtё kёrkuar qё tё kontrollohen, por i dyshuari ka ikur, duke mos respektuar urdhrin e policёve qё tё ndalet dhe i njëjti gjatё ikjes ka nxjerrё njё armё nga brezi dhe ua kishte drejtuar zyrtarёve policorë. Zyrtarët policorë kanё nxjerrё armёt zyrtare, me qёllim tё evitimit tё rrezikut pёr veten e tyre dhe qytetarёt, ku tё njëjtit i ёshtё dhёnё urdhёr verbal pёr lёshimin e armёs, me ç’rast ёshtё arritur neutralizimi dhe arrestimi i personit tё dyshuar, ku gjatё arrestimit ёshtё lënduar njёri nga zyrtarët policorë.”

Të dyshuarit i janë sekuestruar një armë dhe një karikator i armës.

Ai është dërguar në mbajtje për 48 orë.