“Autokratët kanë frikë nga qytetarët e lirë”, Kos thotë se mjetet e reja të BE-së do t’i ndihmojnë edhe shtetet kandidate të mbrojnë demokracinë

Lajme

Gazeta Express

12/11/2025 14:57

Komisioni Europian sot ka prezantuar Mburojën e Demokracisë Europiane (European Democracy Shield), duke përcaktuar një sërë masash konkrete për të fuqizuar, mbrojtur dhe promovuar demokraci të forta dhe elastike në të gjithë BE-në.

KE tha se veprimet në kuadër të kësaj mburoje do të rrisin më tej kapacitetin kolektiv të bllokut për të luftuar manipulimin e informacionit dhe dezinformimin dhe për të forcuar qëndrueshmërinë tonë përmes një qasjeje që përfshin të gjithë shoqërinë.

Për këtë mekanizëm të ri të BE-së ka folur edhe Komisionerja për Zgjerim, Marta Kos, e cila tha se ai do t’i ndihmojë edhe vendet kandidate të BE-së përveçse ato anëtare.

Ajo e përshkroi këtë iniciativë të BE-së edhe si mburojë nga autokratët, si ata të vendeve anëtare si ata të vendeve kandidate.

“Autokratët kanë frikë nga qytetarët e lirë. Ata i vënë demokracitë tona nën presion — si në shtetet anëtare, ashtu edhe në vendet kandidate. Sot, Komisioni miratoi mjete të reja për të mbrojtur liritë tona. Mburoja jonë e re e Demokracisë do t’u ndihmojë shteteve anëtare aktuale dhe atyre të ardhshme të qëndrojnë të bashkuara si një”, shkroi Kos.  

Autocrats fear free citizens. They put our democracies under pressure. In Member States and candidates alike.

Today, the Commission adopted new tools to defend our freedoms.

Our new Democracy Shield will help current and future member states to stand as one.

— Marta Kos (@MartaKosEU) November 12, 2025

Mburoja e Demokracisë Europiane do të ndërmarrë veprime në tri shtylla kryesore: 1) mbrojtja e integritetit të hapësirës së informacionit; 2) forcimi i institucioneve, zgjedhjeve të drejta dhe të lira dhe medias së lirë dhe të pavarur; dhe 3) rritja e qëndrueshmërisë shoqërore dhe angazhimit të qytetarëve./Express/