Lidl bën thirrje urgjente për tërheqjen nga tregu të arrave të njoma indiane

Ushqimi/Dieta

Gazeta Express

06/11/2025 20:03

Rrjeti i supermarketeve Lidl ka bërë një tërheqje urgjente nga tregu të produktit të tij Simply Roasted and Salted Cashews (arra të pjekura dhe të kripura), pasi ekziston dyshimi se një sasi nga ky produkt mund të jetë kontaminuar me copa qelqi.

Autoritetet britanike të Sigurisë Ushqimore kanë aktivizuar një njoftim të menjëhershëm “mos e konsumoni”, duke paralajmëruar se produkti mund të përbëjë rrezik serioz për mbytje ose lëndim.

Cili produkt është i prekur?

Simply Roasted and Salted Cashews

Paketim 125g

Afati “Best before”: 28 Qershor 2026

Lidl ka bërë të ditur se vetëm ky lot prodhimi është i prekur dhe asnjë produkt tjetër i rrjetit nuk paraqet rrezik.

Çfarë duhet të bëjnë konsumatorët?

Nëse keni blerë këtë produkt:

Mos e konsumoni.

Si ka ndodhur kontaminimi?

Lidl nuk ka zbuluar ende se si copat e qelqit kanë përfunduar brenda arrave, por hetimet janë duke vazhduar në bashkëpunim me autoritetet e sigurisë ushqimore.

Kjo nuk është hera e parë që kompanitë përballen me raste të ngjashme. Vetëm pak kohë më parë, Lidl u detyrua të tërhiqte nga tregu disa stroopwaffels, për shkak të dyshimeve për kontaminim me copa metali. /GazetaExpress/