VLEN: BDI nuk e njeh fjalën reformë!

Maqedoni

Gazeta Express

06/11/2025 10:57

Nga koalicioni VLEN thonë se “shqiptarët nuk ranë në grackën e “referendumit” që BDI/AKI me Ahmetin, Taravarin e Selën tentuan ta shisnin si shpëtim politik”. Sipas këtij koalicioni, BDI nuk e njeh fjalën reformë.

“Me 10 komuna të fituara, VLEN ua mori alibinë dhe ua hoqi maskën atyre që për vite e trajtuan votën shqiptare si pronë personale. Kërkojnë fajtorë në çdo drejtim, por jo te vetja. Madje, si kulm i absurdit, përpiqen ta shesin Blerim Bexhetin si simbol të “ndryshimit”. Kjo është fytyra e vërtetë e BDI-së parti që, edhe në dështim, nuk e kupton realitetin e vet. Flasin për “analiza” e “reformë”, por BDI nuk mund të reformohet sepse nuk e njeh këtë fjalë. Për ta, pushteti s’ka qenë mjet për t’i shërbyer njerëzve, por oksigjen për të mbijetuar. Dhe tani që pushteti u iku nga duart, po mbyten në panik e vetmashtrim. Derisa ata lëkunden në krizë, VLEN ecën përpara me besimin e qytetarëve, me duar të pastra dhe me politikën që i shërben popullit, jo vetvetes”, shtojnë nga VLEN.