Ndihesh i zymtë nga moti i ftohtë dhe i errët? 11 llamba tavoline që do të përmirësojnë humorin tuaj këtë dimër

Fun

Gazeta Express

05/11/2025 19:09

Sezoni i ftohtë shpesh shoqërohet me mëngjese dhe mbrëmje të errëta, dhe me afrimin e dimrit shumë prej nesh fillojnë të ndihen të lodhur dhe me humor të ulët.

Për të luftuar këtë gjendje, e njohur si Çrregullimi Afektiv Sezonal (Seasonal Affective Disorder), shpesh rekomandohet përdorimi i dritës për të rritur humorin.

Nga llamba tavoline në cepin e dhomës së ndenjes, deri tek llamba e lartë në dhomën e gjumit, drita shtesë sjell ndjenjë qetësie dhe ngrohtësie gjatë muajve të vjeshtës dhe dimrit, kur drita natyrale nuk është e fortë. Por llambat nuk duhet të jenë vetëm funksionale – ato mund të jenë edhe dekorative.

Niki Wright, bashkë-themeluese e studio dizajnit të dritave lights&lamps, thotë:

“Drita duhet të evoluojë gjatë ditës. Netët po bëhen më të gjata, por edhe ditët mund të jenë të zymta, ndaj mos hezitoni të përdorni dritat e tavanit gjatë ditës për të ndriçuar dhomën dhe për të ngritur humorin.”

Ajo këshillon:

“Kur dita kthehet në mbrëmje, filloni të shtoni dritë me llamba në tavolina anësore, tryeza ose llamba dyshemeje për të ndriçuar një cep. Kur është koha për relaks, fikni llambën kryesore të tavanit, dobësoni llambën dyshemeje dhe krijoni një atmosferë të ngrohtë duke vendosur dy, tre ose më shumë llamba tavoline në dhomë në lartësi të ndryshme; kështu shtoni dritë praktike pa e humbur ambjentin.”

Wright sugjeron që përdorimi i llambave me materiale të ndryshme mund të jetë pjesë kyçe e dizajnit të brendshëm, sidomos kur aksesorët e tjerë nuk duken shumë.

Një llambë me hije të fortë krijon një dritë të drejtuar poshtë, ndërsa një hije e butë prej liri lejon dritë ambientale më të ndritshme dhe sjell tekstura të bukura.

Ajo gjithashtu shton se llambat tavoline ose për krevat nuk duhet të jenë të njëjta.

“Vetëm dy stile dhe lartësi të ndryshme mund të krijojnë një skemë ndriçimi shumë më interesante dhe efektive.”

Le të shohim disa nga llambat tona të preferuara…/GazetaExpress/