Trump u bën thirrje hebrenjve të Nju Jorkut: Kushdo që e voton kandidatin demokrat është budalla

Lajme

Gazeta Express

04/11/2025 17:30

Presidenti i SHBA-së, Donald Trump, u bëri thirrje sot hebrenjve të Nju Jorkut të mos votojnë për Zohran Mamdanin, kandidatin demokrat që garon për kryetar bashkie të qytetit.

“Çdo hebre që voton për Zohran Mamdani, një URREJTËS I HEBRENJVE i provuar dhe i vetëshpallur, është budalla!!!”, shkroi presidenti republikan në një postim në platformën Truth Social , duke gjykuar se favoriti i madh në këto zgjedhje bashkiake “ i urren hebrenjtë”.

Zohran Mamdani është një mbështetës i flaktë i kauzës palestineze dhe qëndrimet e tij ndaj Izraelit dhe luftës në Gaza kanë zemëruar një pjesë të komunitetit hebraik në metropolin amerikan.

Gjatë muajve të fundit ai ka vazhduar të mbajë një qëndrim të ashpër kundër antisemitizmit.