Ballkani ndalet nga Ferizaj, mbyllet baras në Suharekë

Futboll

Gazeta Express

01/11/2025 15:04

Pas fitores 5-0 ndaj Malishevës në mesjavë, Ballkani është ndalur në Suharekë nga Ferizaj.

Ndeshja e luajtur në Stadiumin e Qytetit në Suharekë është mbyllur me barazim, me shifrat 1-1.

Ishte skuadra e Orges Shehut e cila doli e para në epërsi me anë të Ëalid Hamidit në pjesën e parë, më saktësisht në minutën e 16-të.

Me këto shifra u mbyll edhe 45-minutëshi i parë i takimit.

Ndërkaq, në të dytin, Ferizaj shënoi golin e barazimit, me anë të Betim Haxhimusës në minutën e 53-të.

Me këtë barazim, Ballkani shkon në kuotën e 23 pikëve pas 12 xhirove në Superligën e Kosovës.

Ndërkohë, Ferizaj i ik zonës së barazhit – përkohësisht – duke dalë në vendin e shtatë me 14 pikë, para Malishevës që ka 13 sosh.

Prishtina i prin tabelës me 25 pikë, e cila e ka ndeshjen e saj sonte nga ora 18:30 ndaj Gjilanit në “Fadil Vokrri”.

Gjatë ditës së nesërme luhet edhe tri ndeshjet e mbetura nga kjo xhiro, me të tri takimet që nisin nga ora 13:00./GazetaExpress/