Krasniqi thotë se jo më larg se në dhjetor do votohet edhe për zgjedhjet parlamentare

Lajme

Gazeta Express

12/10/2025 10:30

Kryetari i Partisë Demokratike, Memli Krasniqi, ka vlerësuar se zgjedhjet parlamentare do të mbahen brenda muajit dhjetor të këtij viti.

”Besoj që do të votojmë më datën 9 nëntor edhe në raundin e dytë këtu në Prishtinë por dhe në disa komuna të tjera, por do të votojmë jo më larg se në dhjetor edhe për zgjedhjet parlamentare”, u shpreh ai para të pranishmëve.

Ndryshe, pas hedhjes së votës së tij për zgjedhjet e sotme lokale, ai theksoi se ky proces, është një mundësi e rëndësishme për qytetarët që të shprehin vullnetin e tyre dhe të ndikojnë në formimin e qeverisjes nëpër komuanat e tyre.