László Krasznahorkai është fitues i Çmimit Nobel për Letërsi për vitin 2025

Arte

Gazeta Express

09/10/2025 13:05

Akademia suedeze ka vazhduar edhe sot me ndarjet e Çmimeve Nobel. Sot, më orën 13, është bërë i ditur fituesi i Çmimit Nobel për Letërsi.

Fitues është shkrimtari hungarez László Krasznahorkai. Ai njihet për romanin e tij “Tangoja e Satanait”, edhe në shqip nga prestigjiozja “Aleph” me përkthimin e Shpëtim Kelmendit.

Libri u bë dhe film nga regjisori i madh Bela Tarr.

“Kraznohorkai na kujton me humorin e tij Franz Kafkën dhe Thomas Bernhard” – u shpreh Akademia.

Çmimi Nobel për Letërsi është çmimi më i lartë për arritjet më të mëdha letrare nga një (ose disa) autorë brenda një viti.

Për herë të parë me këtë çmim u laureua shkrimtari francez Sully Prudhomme në vitin 1901, ndërsa i fundit poet në vitin 2016 Çmimin Nobel për Letërsi e fitoi shkrimtari amerikan Bob Dylan.

121 individë e kanë marrë këtë çmim, në katër raste çmimi është ndarë mes dy vetave.