Transportonte emigrantë të paligjshëm kundrejt pagesës 400 euro, arrestohet i riu nga Durrësi në Shkodër

Shqiperi

Gazeta Express

08/10/2025 16:01

Një 19-vjeçar nga Durrësi është arrestuar nga policia në Shkodër, pasi akuzohet se ka transportuar emigrantë të paligjshëm kundrejt pagesës 400 euro për person.

Sipas policisë, i riu ndihmonte emigrantë nga Vendet e Treta, që të kalonin ilegalisht kufirin tokësor me Greqinë dhe më pas kufirin tokësor me Malin e Zi, duke i transportuar me automjet.

Policia bën me dije se i riu do të akuzohet për veprën penale “Ndihma për kalim të paligjshëm të kufijve”.  

Shërbimet e Stacionit të Policisë Kufitare Bajzë, bazuar në informacionet e siguruara në rrugë operative, për një rast të dhënies ndihmë shtetasve të huaj, kundrejt pagesës, për kalim të paligjshëm të kufijve, kanë organizuar dhe finalizuar operacionin policor të koduar “Borders 3”. Si rezultat i këtij operacioni, u arrestua në flagrancë shtetasi:    

-V. T., 19 vjeç, banues në Durrës, për veprën penale “Ndihma për kalim të paligjshëm të kufijve”.  

Nga hetimet dyshohet se ky shtetas ndihmonte emigrantë nga Vendet e Treta, që të kalonin ilegalisht kufirin tokësor me Greqinë dhe më pas kufirin tokësor me Malin e Zi, duke i transportuar me automjet,

Vijojnë hetimet për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë që mund të jenë përfshirë”, thuhet në njoftimin e policisë.