Shoferi kishte masë ndalimi aktive, sekuestrohet një autobus në Prizren

Lajme

Gazeta Express

08/10/2025 11:53

Një autobus është sekuestruar në Prizren, pasi shoferi kishte masë ndalimi aktive deri më 26 dhjetor të këtij viti.

“Patrulla Policore e Njësisë Rajonale të  Trafikut Rrugor- Prizren (NJRTRR), me daten 07.10.2025, rreth orës 18:17 në rrugën “Tranziti i Ri”në Prizren, ka ndaluar një autobus të një kompanie nga Lipjani. Pas verifikimit të dokumentacionit, është konstatuar se drejtuesi kishte masë aktive ndalimi për drejtimin e mjeteve motorike deri më 26.12.2025.”

Ai është gjobitur me 500 euro, ndalesë shtesë prej 6 muajsh dhe 5 pikë negative.

“Në zbatim të Ligjit për Trafikun Rrugor 08/L-186, ndaj tij është shqiptuar fletëparaqitje për kundërvajtje, gjobë prej 500 euro, masë ndalese shtesë prej 6 muajsh dhe 5 pikë negative në patentë. Autobusi është sekuestruar. Policia e Kosovës mbetet e përkushtuar në garantimin e sigurisë rrugore dhe zbatimin e ligjit.”