Kosovës i mungon edhe një futbollist për ndeshjet e tetorit, e konfirmon Federata

Futboll

Gazeta Express

07/10/2025 11:27

Florian Haxha nuk do të grumbullohet me Kombëtaren e Kosovës për ndeshjet e tetorit.

Federata e Futbollit të Kosovës ka njoftuar se mesfushori i djathtë i skuadrës polake, Motor Lublin s’do të mundë t’i ndihmojë Dardanët në duelet me Slloveninë dhe Suedinë “për shkak të gjendjes shëndetësore”.

Ndërkohë, Kombëtarja do të vazhdojë sot me përgatitje me seancën e dytë stërvitore, e cila zhvillohet në stadiumin “Fadil Vokrri” në orën 16:30. /Gazeta Express