Kërkohet ndihma e qytetarëve për identifikimin e një të dyshuare – Policia publikon fotografinë

Lajme

Gazeta Express

07/10/2025 8:27

Njësiti i Hetimeve të Kryeqytetit, me autorizim nga prokuroria kompetente, ka publikuar një kërkesë për bashkëpunim nga qytetarët, në përpjekje për të identifikuar një person të dyshuar për përfshirje në një rast të “Shpërdorimit të pasurisë së huaj”.

Sipas Policisë së Kosovës, personi që shfaqet në fotografinë e siguruar nga autoritetet është e dyshuar për përfshirje në këtë vepër penale dhe identifikimi i saj është i rëndësishëm për vazhdimin e hetimeve.

Policia u bën thirrje të gjithë qytetarëve që mund të kenë informacione që ndihmojnë në identifikimin e të dyshuarës, të kontaktojnë menjëherë autoritetet përmes numrit të urgjencës 192 ose përmes adresës elektronike [email protected]

.