Van Dijk pas humbjes ndaj Chelseat: Ky sezon do të jetë i vështirë

Futboll

Gazeta Express

05/10/2025 12:25

Liverpooli ka pësuar humbjen e tretë radhazi në kampionat dhe Ligën e Kampionëve, duke rritur shqetësimet rreth formës së skuadrës.

Pas disfatës ndaj Chelseat, kapiteni i “The Reds”, Virgil van Dijk, ka folur hapur për sfidat me të cilat po përballet ekipi.

“E kam thënë disa herë se ky sezon do të jetë i vështirë”, tha mbrojtësi holandez. “Nuk është vetëm për atë që ndodh në fushë, por edhe për atë që ka ndodhur jashtë saj.”

Deklarata e Van Dijk lë të kuptohet se problemet e Liverpoolit nuk lidhen vetëm me performancën sportive, por edhe me situata të tjera që po ndikojnë në atmosferën e përgjithshme të klubit.

Me presionin që po rritet dhe me rezultate zhgënjyese njëra pas tjetrës, Liverpooli duhet të gjejë urgjentisht rrugën e rikthimit në formë për të mos e humbur hapin në garën vendore dhe ndërkombëtare.