VIDEO/ Vijon aksioni në Theth, shembet me tritol një ndërtesë trekatëshe. Rama publikon pamjet

Shqiperi

Gazeta Express

04/10/2025 15:35

IKMT ka shembur sot një ndërtesë trekatëshe në Theth, si pjesë e operacionit për lirimin e hapësirave publike.

Aksioni, i nisur në muajin korrik, ka në fokus prishjen e ndërtesave të ndërtuara pa leje. Shembja është kryer përmes përdorimit të eksplozivit, një masë që, sipas autoriteteve, aplikohet vetëm për objektet që nuk kanë as truallin të legalizuar.

IKMT riktheu sot fadromat në fshatin turistik të Thethit, ndërsa dhjetëra forca policie shoqëruan aksionin.

Pamjet janë publikuar edhe nga kryeministri Edi Rama i cili shprehet se “kush ndërton pa leje investon vetëm për belanë e vet”.

Operacioni është pjesë e nismës së ndërmarrë nga kryeministri Edi Rama për lirimin e territorit dhe vijon të zbatohet në të gjithë vendin.