Si ta mposhtni gjendjen e ankthit në vetëm 15 minuta, sipas një terapisteje

Keshilla Mjekësore

Gazeta Express

03/10/2025 18:45

Një ndjesi e rëndë në stomak, djersë të ftohta, mendime që vrapojnë pa pushim apo një ndjenjë e paqartë frike – të gjithë në një moment apo tjetër përjetojmë ankth.

Por kur shqetësimet e përditshme shndërrohen në mendime që nuk ndalen dhe e pushtojnë mendjen, atëherë flasim për një problem më serioz: Çrregullimi i Ankthit të Përgjithshëm (GAD).

Në Britani, vetëm gjatë vitit 2024, rreth 8.6 milionë njerëz u trajtuan me antidepresantë – medikamente që përdoren edhe kundër ankthit. Shifrat tregojnë për një “epidemi ankthi”, ndaj mjetet praktike për ta qetësuar mendjen janë më të vlefshme se kurrë.

“Mendimet ankthioze janë si fara”

Sally Baker, terapiste me përvojë, e krahason ankthin me fara që mbijnë në mendjen tonë.

“Sa më shumë vëmendje t’u japim, aq më shumë u japim ‘dritë’ dhe ‘ujë’ për t’u rritur,” shpjegon ajo.

Për fat të mirë, ekzistojnë teknika që ndihmojnë në ndërprerjen e ciklit të mendimeve ankthioze.

Një nga më të thjeshtat është të bëni një veprim të menjëhershëm: të nxirrni një zë (edhe në mendje), të merrni frymë thellë pranë një dritareje, ose të

Protokolli I.C.E.: 3 hapa për qetësim në 15 minuta

Për raste më të forta, si sulmet e ankthit, Baker sugjeron një rutinë praktike që e quan I.C.E. – Identify (Identifiko), Calm (Qetëso) dhe Exchange (Zëvendëso).

1. Identifiko

Shkruaj ose thuaj me vete se çfarë po të shkakton ankth. Pastaj vëre ku e ndien në trup – në kokë, qafë, gjoks, stomak apo duar. Kjo ndihmon të lidhësh mendimin me ndjesinë trupore.

2. Qetëso

Fokuso sytë në një pikë përpara teje (p.sh. një qoshe muri ose një detaj në raft). Pas pak sekondash, zhvendos shikimin në një pikë të dytë, afër së parës. Përsërite këtë disa herë. Pastaj përqendrohu në hapësirën bosh mes tyre.

“Kjo boshësi nuk ka asgjë që të provokon ankth. Kur e vëzhgon, edhe trupi yt ndjek qetësinë e mendjes,” shpjegon Baker.

3. Zëvendëso

Kthehu tek mendimi fillestar që të shkaktoi ankth. Tani trupi yt ka krijuar një “kimi të re” më të qetë, duke zëvendësuar ankthin me stabilitet emocional. Nëse del një mendim i ri shqetësues, thjesht përsërit procesin.

Mesazhi kryesor: Mendimet ankthioze nuk mund të shmangen gjithmonë, por mund të menaxhohen. Me teknikën I.C.E., në më pak se 15 minuta, ju mund të ndërprisni ciklin e ankthit dhe të riktheni qetësinë. /GazetaExpress/