Ambasada e Francës shkruan për borën e hershme: Peizazh dimëror befasues për fillim tetori, por gjithsesi i këndshëm

Lajme

Gazeta Express

03/10/2025 10:09

Ambasada e Francës në Kosovë në faqen e saj zyrtare në “facebook”, ka shkruar për borën e hershme që ka rënë në vend.

Ambasada e ka quajtur një peizazh dimëror befasues të tetorit, megjithatë të këndshëm.

Në reagim, Ambasada thotë se s’duhet harruar edhe ata që kjo borë e hershme do t’i pengojë për të kryer punët e tyre ditore.

“Sapo ka filluar vjeshta, kryeqyteti i Kosovës zgjohet nën reshjet e borës🌨️.Një peizazh dimëror befasues për fillim tetori, por gjithsesi i këndshëm.Por, pa harruar ata që pengohen nga kjo borë e hershme”, ka shkruar Ambasada e Francës.