Kompensimet financiare të viktimave, vajza e Salih Mustafës citon babain: Nuk kam përgjegjësi sepse s’janë viktimat e mia

Lajme

Gazeta Express

29/09/2025 20:10

Buna Mustafa, vajza e Salih Mustafës ka reaguar pas vendimit të Gjykatës Speciale në Hagë për kompensim të dëmeve për ‘viktimat’.

Mustafa në Facebook ka postuar qëndrimin e babait të saj në Hagë, duke thënë se nuk ka përgjejgjësi morale e financiare ndaj viktimave sepse thotë se ata nuk janë viktimat e tij.

Ai ka thënë se UÇK-ja ishte e drejtë, e pashmangshme dhe e domosdoshme.

“Reagim nga Haga: Sapo biseduam me babain në lidhje me lajmet që kanë qarkulluar për çështjen e viktimave, ku ai na sqaroi qëndrimin e tij. Duke pasur parasysh që vendimi i gjykatës është i padrejtë dhe me motive politike, Cali tha: “Unë nuk ndihem përgjegjës moralisht, financiarisht apo në çfarëdo lloj forme tjetër, për shkak se ata nuk janë viktimat e mia. Rrjedhimisht, as nuk kërkoj ndihmë nga shteti dhe populli im që t’i paguaj viktimat e fabrikuara nga prokuroria dhe nga qarqe të caktuara politike që përgënjeshtrojnë mbi të vërtetën për interesa të ulëta personale. Unë besoj që lufta e UÇK-së ishte e drejtë, e pashmangshme dhe e domosdoshme”, ka shkruar Buna Mustafa në Facebook duke iu referuar Salih Mustafës. /Gazeta Express