Ndahet nga jeta ish-futbollisti i njohur kosovar, Jakup Kuqi

Futboll

Gazeta Express

29/09/2025 16:10

Ka ndërruar jetë sot në moshën 79-vjeçare ish-futbollisti i njohur kosovar, Jakup Kuqi, një nga figurat më të respektuara të futbollit në Kosovë gjatë gjeneratës së artë.

I lindur më 12 qershor 1946, Kuqi ka lënë gjurmë të thella në sportin kosovar me paraqitjet e tij për skuadrat legjendare të Vllaznimit dhe Trepçës.

Me talentin dhe përkushtimin e tij në fushën e blertë, ai u bë një simbol i pasionit për lojën dhe i shpirtit sportiv.

Jakup Kuqi ndërroi jetë në qytetin e tij të dashur, Gjakovë, ku edhe kishte kaluar një pjesë të madhe të jetës dhe karrierës.

Lajmi për ndarjen e tij nga jeta ka prekur thellë komunitetin sportiv dhe më gjerë, ndërsa shumë miq, bashkëlojtarë dhe dashamirë të futbollit po e kujtojnë me respekt dhe mall.

Varrimi i të ndjerit do të bëhet nesër në varrezat e qytetit në Gjakovë në orën 15:0.

Pushofsh në paqe, legjendë!