Tronditje në New York: Lola Young rrëzohet në mes të një shfaqjeje

Rozë

Gazeta Express

29/09/2025 7:34

Këngëtarja britanike Lola Young (24), e njohur më së miri për hitin e saj të vitit 2024 Messy, u rrëzua gjatë një performance në festivalin All Things Go në New York.

Incidenti ndodhi të shtunën në mbrëmje, ndërsa ajo po performonte këngën e saj Conceited në stadiumin Forest Hills. Publiku mbeti i shokuar kur ajo u desh të nxirrej nga skena nga ndihmësit mjekësorë.

Vetëm pak çaste më parë, këngëtarja iu drejtua turmës dhe zbuloi se kishte kaluar një kohë shumë të vështirë.

Lola Young COLLAPSED on stage 😳 pic.twitter.com/CR5kpZDrvW

— Luxe ✧ (@luxcurv) September 28, 2025

“Kam kaluar disa ditë të vështira, ndonjëherë jeta të bën të ndihesh sikur nuk mund të vazhdosh më tej. Por e dini çfarë – u zgjova dhe vendosa të vij këtu,” i tha ajo publikut.

Pasi u nxirr nga skena, Young shkroi në Instagram se tani ishte mirë.

“Përshëndetje, të gjithë atyre që më panë të performoja në All Things Go sot – Jam mirë. Faleminderit për mbështetjen tuaj,” shkroi ajo.