Man City fiton thellë ndaj Burnleyt

Futboll

Gazeta Express

27/09/2025 17:55

Manchester City ka shënuar fitoren e radhës në Premierligë.

“Citizens” triumfuan 5:1 në shtëpi ndaj Burnleyt, në kuadër të javës së gjashtë në elitën e futbollit anglez.

Esteve shënoi autogol në minutën e 12-të për t’i dhënë epërsinë fillestare Manchester Cityt, shkruan Gazeta Express.

Në të 38-tën, Anthony realizoi për të barazuar shifrat, rezultat me të cilin u mbyll edhe pjesa e parë.

Nunez riktheu epërsinë e vendasve në minutën e 61-të, para se Esteve të shënonte edhe një autogol tjetër për 3:1.

Në minutën e 90-të, ishte Haaland që shënoi për 4:1, para se sulmuesi norvegjez të realizonte prapë për epilogun e këtij takimi, tre minuta më pas.

Me këtë fitore, Manchester City ngjitet përkohësisht në vendin e katërt me 10 pikë, pesë më pak se lideri, Liverpooli.

Në anën tjetër, Burnley mbetet i 17-ti me katër pikë të grumbulluara.