Klubi i madh evropian i vihet pas Marc Casados

Futboll

Gazeta Express

27/09/2025 11:56

Marc Casadó po kalon javë vendimtare te Barcelona. Mesfushori i ri, pasi ka luajtur vetëm 200 minuta në gjashtë ndeshje të LaLigës, mund të largohet drejt një destinacioni të ri verën e ardhshme.

Besimi i stafit teknik te mesfushori nuk ka qenë i plotë. Në moshën 22-vjeçare, Casadó priste më shumë minuta me ekipin e parë, por konkurrenca e fortë i ka kufizuar mundësitë.

Barcelona fillimisht vendosi një çmim prej 30 milionë eurosh për të, por në praktikë, transferimi i tij mund të mbyllet rreth 25 milionë. Klubi ka nevojë për të ardhura dhe e sheh Casadón si një nga asetet e shitshme për të balancuar financat. Profili i tij ka tërhequr interesin e disa skuadrave të mëdha evropiane.

Kërkesa kanë ardhur nga Italia, Gjermania dhe Premier League, me interesin më konkret deri tani nga Juventusi, që synon të forcojë mesfushën.

Skuadra torineze është në fazë rindërtimi dhe e sheh Casadón si një lojtar me potencial, cilësi taktike dhe moshë të re për t’u afirmuar në Serie A. E mësuar të rekrutojë talente të rinj, Juventus po e konsideron seriozisht investimin te i diplomuari i La Masia-s, duke përfituar nga kushtet e favorshme të tregut.

Drejtuesit italianë vlerësojnë jo vetëm aftësitë e tij mbrojtëse, por edhe përshtatshmërinë e tij në sisteme të ndryshme loje, duke e bërë një profil tërheqës. Për Casadón, mundësia për të luajtur në një klub historik mund të shënojë një hap përpara në karrierë, pas vështirësive për të siguruar vend të rregullt te Barcelona këtë sezon.

Mesfushori e kupton se te Juventusi mund të gjejë vazhdimësi. Me minuta të rregullta, progresi i tij do të ishte shumë më i dukshëm sesa në rolin dytësor që ka aktualisht te Barcelona.

Ndërkohë, Barcelona do ta shihte shitjen si një hap të domosdoshëm mes presioneve financiare dhe tepricës së lojtarëve në pozicionin e tij, gjë që e bën largimin gjithnjë e më të mundshëm. Megjithëse Casadó ka kontratë aktive, Barcelona është e hapur për shitje me një çmim pranë vlerës së vendosur. Juventusi mund të lë pas garuesit e tjerë evropianë.

Futbollisti duhet të zgjedhë mes luftës për minuta te Barcelona ose një hapi drejt një kampionati tjetër, ku mund të gëzojë më shumë rëndësi. Italia beson se Juventusi mund t’i ofrojë një platformë rritjeje, ndërsa në Spanjë disa e shohin këtë si një sakrificë të panevojshme nga klubi katalanas.

Në çdo rast, rasti i Casadós pasqyron realitetin e shumë talenteve të akademisë që shkëlqejnë te ekipi rezervë, por hasin vështirësi të afirmohen në një ekip të parë të mbushur me konkurrencë. Me afatin kalimtar të verës që po afrohet, të gjitha shenjat tregojnë se Marc Casadó do të jetë një emër për t’u ndjekur, me Barcelonën të gatshme për të negociuar dhe Juventusin të vendosur për të bërë lëvizjen./GazetaExpress/