Barça konfirmon se Joan Garcia do t’i nënshtrohet një operacioni, bën me dije se sa do të mungojë

Futboll

Gazeta Express

26/09/2025 17:20

Barcelona kanë marrë një tjetër goditje të madhe pasi u bë e ditur se një tjetër lojtar do t’i nënshtrohet operacionit në gju.

Më herët këtë javë, Gavi u konfirmua se do të jetë larg nga fusha për pesë deri në gjashtë muaj pas operacionit në menisk, dhe tani Joan Garcia do t’i nënshtrohet të njëjtit trajtim.

Pas konfirmimit të dëmtimit të Raphinhas të premten, Barcelona mori edhe një lajm të keq tjetër me portierin Joan Garcia.

24-vjeçari pësoi një dëmtim në gju gjatë stërvitjes dhe fillimisht u raportua se do të mungonte për tre javë.

Megjithatë, pas kontrolleve të mëtejshme u zbulua se dëmtimi i meniskut ishte më serioz se sa mendohej në fillim.

Të premten pasdite klubi befasoi duke njoftuar se Garcia do t’i nënshtrohet një artroskopie.

Koha e rikuperimit të tij parashikohet të jetë katër deri në gjashtë javë, dyfish më shumë se diagnoza e parë.

Kjo gjithashtu e vë në dyshim praninë e tij në “El Clasico” në fund të tetorit./GazetaExpress/