Sergio Ramos dështon me penalltinë “Panenka”, këtë e paguan shtrenjtë Monterrey

Futboll

Gazeta Express

25/09/2025 10:44

Sergio Ramos ishte fytyrë tragjike në humbjen e ekipit të tij, Monterrey nga Toluca, 2:6.

Legjenda spanjolle e mori përsipër gjuajtjen e penalltisë në fillim të lojës derisa ekipi i tij ishte në avantazh, 1:0, në ndeshjen e vlefshme për xhiron e 10-të të kampionatit meksikan, shkruan “Gazeta Express”.

Panenka gone wrong ..

Sergio Ramos with a costly mistake from the spot.

pic.twitter.com/YSxZzYpWFk

— herculez gomez (@herculezg) September 25, 2025

Ish-futbollisti i Sevillës, Real Madridit dhe Paris Saint-Germainit u mundua të shënonte me stilin “Panenka” nga 11 metërshi, por gjuajtjen e tij lehtësisht e priti portieri i Toluca, Hugo Gonzalez, i cili “e lexoi” mendimin e ish-përfaqësuesit spanjoll.

Ky dështim i qendërmbrojtësit spanjoll i kushtoi shtrenjtë ekipit të tij Monterrey pasi vendësit më pas u rikthyen furishëm duke përmbysur gjithçka dhe duke fituar bindshëm.

Kjo ishte një natë për t’u harruar për Ramosin dhe shokët e tij, pa dyshim. /Gazeta Express