Dy shqiptarë kapen duke shitur drogë me makinë në Itali

Lajme

Gazeta Express

24/09/2025 11:47

Dy shqiptarë janë kapur në Itali nga policia gjatë një kontrolli të befasishëm në makinën me të cilin po udhëtonin.

Operacioni është kryer mbrëmjen e 22 shtatorit dhe të ndaluarit janë një 24 vjeçar që kishte hyrë ilegalisht në vend pas një dëbimi të urdhëruar nga gjykata dy vite më parë dhe një 49 vjeçar.

Oficerët e policisë së Rietit ushtruan kontroll fizik dhe në mjet, teksa 24-vjeçarit iu gjetën doza me kokainë dhe bashkëatdhetarit të tij disa doza hashashi.

I huaji njëzet e katër vjeçar u gjet gjithashtu në shkelje të rregullave të imigracionit për rihyrje në Itali pa autorizim të posaçëm nga Ministri i Brendshëm, pas një urdhri të mëparshëm dëbimi që kishte marrë në vitin 2023.

Për këtë arsye, u arrestua dhe u vu në dispozicion të autoriteteve gjyqësore, të cilat urdhëruan arrestin e tij shtëpiak në pritje të një gjykimi të shkurtuar. Më pas u vendos që ai të ridëbohej nga vendi menjëherë, teksa u dërgua në Zyrën e Imigracionit të Shtabit të Policisë së Rietit.

I huaji u shoqërua më pas në pikën kufitare të Romës në Fiumicino dhe u hip në një fluturim për në Shqipëri. Kurse bashkëatdhetari i tij do hetohet në gjendje të lirë.