Arrestohet Rr.M., dyshohet se i ndihmoi në kryerjen e veprës penale dy persona të arrestuar dy ditë më parë në Vushtrri

Lajme

Gazeta Express

23/09/2025 11:47

Prokuroria Themelore në Mitrovicë ka njoftua se është arrestuar Rr.M. i dyshuar për “Ndihmë në detyrim”, duke ndihmuar personat e arrestuar dy ditë më parë në operacionin në Vushtrri, në kryerjen e veprës penale.

“Prokuroria Themelore në Mitrovicë njofton opinionin publik se është arrestuar një person me iniciale Rr.M., pasi i njëjti dyshohet që në vazhdimësi ka kryer veprën penale “Ndihmë në detyrim”, duke ndihmuar personat e arrestuar dy ditë më parë në operacionin në Vushtrri, në kryerjen e veprës penale.”

Ai është dërguar në mbajtje për 48 orë.

“Brenda afatit të paraparë ligjor Prokuroria Themelore në Mitrovicë do të paraqes pranë gjykatës kompetente kërkesë për masën e sigurisë për të pandehurin.”