“Dikush shkon në burg për këto bllokada”, Rama nga qendra e qytetit: Prishtina do të lulëzojë si kryeqytet i rajonit e Evropes

Lajme

Gazeta Express

22/09/2025 21:08

Kryetari i Prishtinës, Përparim Rama, një një intervistë nga sheshi “Rexhep Luci” për emisionin Pressing, tha se në katër vitet e radhës kryeqyteti do të ecë me ritëm edhe më të shpejtë, derisa po planifikon edhe një mandat në krye të Prishtinës.

Rama tha se sot i kanë projektet e gatshme, që “do të fillojnë në katër vitet e ardhshme”.

Sipas tij, Prishtina do të lulëzojë si kryeqytet i rajonit dhe Evropës.

“Nëse ju kanë blloku për katër vite, si do të ndodhë tutje”?, u pyet Rama.

“Nuk do të na bllokojnë, ne kemi bërë padi ndaj këtyre bllokuesve dhe dikush prej tyre do të shkojë në burg. Në momentin kur dikush shkon në burg për bllokada, e sheh pastaj si bllokojnë tjerët, nuk bllokojnë më”, tha Rama në Pressing, transmeton Express.

“Këta e kanë nivelin qëndror dhe katër komuna, këqyrne qa kanë bo atje, s’kanë bo kurgjë, këta edhe veten e bllokojnë. Janë bllokues, nuk janë zhvillues”, tha Rama për Lëvizjen Vetëvendosje.