Mirlind Daku shënon, por trajneri i Rubin Kazanit kritikon performancën e tij me një batutë

Futboll

Gazeta Express

21/09/2025 12:39

Sulmuesi shqiptar Mirlind Daku shënoi golin e barazimit për Rubin Kazanin në ndeshjen ndaj Akron Togliatti, e cila përfundoi 2-2 këtë të shtunë, por performanca e tij nuk kaloi pa kritikë.

Trajneri i Dakut, Rashid Rakhimov, ka pranuar publikisht se nuk ishte i kënaqur me lojën e sulmuesit në pjesën e parë të ndeshjes.

“Kam kritika për të, por kjo është çështje e brendshme e ekipit tonë. Kishim pritshmëri më të mëdha prej tij,” tha tekniku rus, duke shtuar: “Gjithsesi, ai shënoi. Uroj ta kuptojë që është një nga liderët e ekipit dhe duhet të jetë i qëndrueshëm.”

Rakhimov nuk harroi të përfshijë edhe një shaka.

“Daku sapo është martuar dhe ndoshta kjo mund ta ketë bërë pak të mërzitur.”

Një koment i lehtë i trajnerit, i cili tregoi se situata personale mund të ndikojë edhe në performancën sportive, por që nuk e ul rëndësinë e golit të shënuar.

Me këtë barazim, Rubin Kazan vazhdon rrugëtimin e tyre në ligë, ndërsa Daku duhet të tregojë më shumë qëndrueshmëri dhe kontribut në ndeshjet e ardhshme për të mbajtur vendin e tij si lider i skuadrës. /GazetaExpress/