Mbetjet e dronit rus u gjetën në një vend tjetër anëtar të NATO-s

Lajme

Gazeta Express

19/09/2025 14:44

Një fragment i pjesës së pasme (bishti) të një droni rus të tipit Gerbera u gjet pranë plazhit në fshatin Varve, në qarkun perëndimor të Ventspilsit në Letoni.

Ministri i Mbrojtjes së këtij vendi, Andris Spruds, konfirmoi se fragmenti nuk përmbante eksploziv.

Kryeministrja letoneze Evika Silina tha se ka udhëzuar ministrat e Mbrojtjes dhe të Punëve të Brendshme që të kontaktojnë me homologët polakë për të përcaktuar nëse ky dron është një prej atyre që u pa mbi Poloni javën e kaluar.

Në Poloni, autoritetet kanë raportuar se u gjetën fragmente të një rakete në fshatin Choiny, rreth 70 km nga kufiri me Ukrainën, që dyshohet se u përdor për rrëzimin e ndonjë prej dronëve rusë.

Nuk ka pasur të lënduar apo dëme materiale të mëdha, ndërsa hetimet forenzike po vazhdojnë.

Šodien Ventspils novada Varves pagasta pludmalē atrasta no jūras izskalota drona astes atlūza. Uz notikuma vietu dodas NBS Nesprāgušas munīcijas neitralizēšanas grupa, lai veiktu atrastā objekta analīzi. pic.twitter.com/CnRkNsdpQv

— NBS (@Latvijas_armija) September 18, 2025