Shukri Buja tregon planet për Lipjanin: Do të ndërtojmë Qendrën e Rekreacionit në afërsi të Parkut Nacional të Blinajës – një hapësirë prej 3 hektarësh

Zgjedhjet

Gazeta Express

18/09/2025 20:48

Kandidati i PDK-së për kryetar të Lipjanit, Shukri Buja, zotohet se do ta “kthejë Lipjanin në një destinacion të mirëfilltë turistik”.

Buja shprehet; “për 12 vite me radhë, turizmi dhe rekreacioni në komunën tonë kanë mbetur të anashkaluara nga qeverisja aktuale. Lipjani, me gjithë bukuritë natyrore, është trajtuar vetëm si një pikë tranzitore”.

“Ne kemi një vizion ndryshe: të kthejmë Lipjanin në një destinacion të mirëfilltë turistik”, shprehet ai.

“Këtu, ku po qëndroj sot, do të ndërtojmë Qendrën Rekreacioni në afërsi të Parkut Nacional të Blinajës – një hapësirë prej 3 hektarësh që do të ofrojë: Tenda luksoze dhe mini-kabina prej druri, zona pikniku me barbikju, restorant panoramik, amfiteatër natyror për aktivitete kulturore shtigje për ecje e çiklizëm, kënde relaksuese e lojërash për fëmijë, fusha sportive e parkingje per vizitor”, u zotua ai.

“Kjo qendër do të jetë jo vetëm për banorët tanë, por edhe për vizitorët e huaj, duke krijuar kushte që ata të qëndrojnë më gjatë në Lipjan dhe të vizitojnë të gjitha pikat tona turistike”, shprehet Buja.

Video e plotë: