Hoti përgëzon Shqipërinë për hapjen e kapitujve të rinj: Për kosovarët është me rëndësi që kufiri i BE-së të jetë në Vërmicë

Lajme

Gazeta Express

17/09/2025 9:53

Deputeti i LDK-së, Avdullah Hoti, ka përgëzuar Shqipërinë për hapjen e kapitujve të rinj të negociatave për anëtarësim në BE.

Ai është shprehur optimist që deri në fund të vitit Shqipëria t`i hap edhe 5 kapitujt e mbetur.

Në profilin e tij në “Facebook”, Hoti ka shkruar se për kosovarët është tepër me rëndësi që kufiri i BE-së të jetë së shpejti në Vërmicë.

“Pas hyrjes në NATO, kjo është arritja tjetër historike jo vetëm për Shqipërinë, por për gjithë shqiptarët kudo që jetojnë. Ëndrra historike e shqiptarëve për rikthim në familjen evropiane po realizohet hap pas hapi. Për kosovarët është tepër me rëndësi që kufiri i BE-së të jetë së shpejti në Vërmicë, e pastaj na mbetet neve që këtë kufi ta lëvizim më tutje në Merdare”, ka shkruar Hoti.