Ilir Ferati me Abdixhikun në Kaliqan: Banorët kanë ruajtur qëndrimin stoik me LDK ndër dekada

Lajme

Gazeta Express

16/09/2025 21:17

Kryetari i Istogut që garon edhe për një mandat nga radhët e Lidhjes Demokratike e Kosovës (LDK), Ilir Ferati ka vazhduar takimet me qytetarë.

Ai ka qenë në Kaliqan, në odën e Asllan Sejdaj, bashkë me kryetarin e LDK-së, Lumir Abdixhiku.

“Kaliqani krah nesh, në vazhden e rrugëtimit tonë. Në odën e Asllan Sejdaj, bashkë me kryetarin Lumir Abdixhiku, u mirëpritëm me ngrohtësi të jashtëzakonshme, ashtu siç dinë vetëm istogasit”.

“Banorët e Kaliqanit na rikujtuan se kanë ruajtur qëndrimin stoik ndër dekada, duke e mbajtur Istogun bastion të pathyeshëm të LDK-së. Kaliqan e Ruzhdi, faleminderit për mikpritjen dhe mbështetjen e vazhdueshme”, ka shkruar Ferati. /Gazeta Express