Kërkohet rritja e stafit të Policisë në Zvicër

Lajme

Gazeta Express

16/09/2025 17:54

Komisioni i politikave të sigurisë po bën thirrje për deri në 200 punonjës të rinj të Fedpol brenda dhjetë viteve.

Policia Federale Zvicerane, Fedpol, do të marrë më shumë staf në të ardhmen. Të martën, Këshilli Kombëtar (Dhoma Nacionale e Parlamentit të Zvicrës) miratoi një propozim nga Komisioni i saj i Politikave të Sigurisë lidhur me këtë temë, transmeton albinfo.ch.

Komisioni po bën thirrje për deri në 200 punonjës të rinj të Fedpol brenda dhjetë viteve.

Nivelet e stafit do të rriten gradualisht në fushat e hetimit, analizës, forenzikës IT dhe bashkëpunimit ndërkombëtar, raporton srf.ch

Në propozimin e përmendur parlamentar argumentohet se Policia Federale mund të luftojë krimin e rëndë në rritje në nivel federal vetëm me këto pozicione shtesë.

Dhoma tjetër  e Parlamentit të Zvicrës, ajo e kantoneve duhet ta adresojë çështjen më vonë.