Para se të vinte në Prishtinë, kryediplomatja finlandeze i la një porosi krerëve serbë në Beograd: Normalizoni marrëdhëniet me Kosovën

Lajme

Gazeta Express

16/09/2025 11:15

Ministrja e Jashtme të Finlandës, Elina Valtonen, njëkohësisht kryesuese aktuale e OSBE-së, para se të vinte në Prishtinë për një vizitë zyrtare, qëndroi në Beograd.

Atje ajo u interesua për situatën me protestat dhe kërkesat e tyre drejt qeverisë serbe, si dhe për kushtet në të cilat po funksionon shoqëria civile.

Valtonen vuri në dukje se qeveria atje i ka shtypur me dhunë protestat që shpërthyen kundër pushtetit të Aleksandar Vuçiq.

“Në muajt e fundit, në Serbi ka pasur protesta në shkallë të gjerë pothuajse çdo ditë. Kryesisht, studentët kanë qenë pas tyre. Qeveria gjithashtu i ka shtypur demonstratat me dhunë. Vizitova kryeqytetin e Serbisë, Beogradin, për t’u njohur me situatën si kryesuese e OSBE-së. E filluam ditën duke u takuar me stafin në terren të OSBE-së, si dhe me një sërë të gjerë përfaqësuesish nga shoqëria civile. Diskutuam situatën në vend dhe protestat, mbrojtjen e kushteve të funksionimit për shoqërinë civile dhe kërkesat e aktorëve ndaj qeverisë së vendit”, ka shkruar Valtonen në X.

Ajo atje njoftoi se është takuar me kryeministrin serb Macut, ministrin e Jashtëm Marko Gjuriq dhe kryetaren e Parlamentit, Ana Bërnabiq.

“Theksova se si liria e tubimit paqësor është një shtyllë qendrore e demokracisë”.

Më pas, kryediplomatja finlandeze shpalosi kërkesat e porositë që ia la krerëve serbë në Beograd. Mes tyre si kusht për rrugën e Serbisë drejt BE-së ishte edhe normalizimi i marrëdhënieve me Kosovën.

“Serbia është një shtet pjesëmarrës në OSBE dhe një vend kandidat për në BE. Ne duam ta mbështesim Serbinë në rrugën e saj drejt anëtarësimit në BE. Parakushti i saj është që qeveria e vendit të çrrënjosë korrupsionin, të zbatojë reforma që forcojnë sundimin e ligjit dhe liritë e njerëzve dhe të normalizojë marrëdhëniet me Kosovën”./Express/

Serbiassa on viime kuukausina ollut laajamittaisia protesteja lähes päivittäin. Pääasiassa niiden takana ovat olleet opiskelijat. Hallinto on tukahduttanut mielenosoituksia myös väkivalloin.

Vierailin Serbian pääkaupungissa Belgradissa perehtymässä tilanteeseen Etyjin… pic.twitter.com/95CbQp2uWp

— Elina Valtonen (@elinavaltonen) September 16, 2025