Avokati serb Stojkoviq: Vuçiqi sërish e angazhoi Radojiçiqin dhe anëtarët e organizatës së tij paramilitare në tubim

Lajme

Gazeta Express

14/09/2025 21:05

Avokati serb nga Beogradi, Çedomir Stojkoviç, ka njoftuar se presidenti serb Aleksandar Vuqiç e angazhoi përsëri publikisht Milan Radoiqiqin “për të organizuar dhe siguruar kolonat e tij politike me terroristët e tij”.

Avokati Stojkoviq, shkruan: “Milan Radoiçiq u filmua në tubimin e tij dje së bashku me anëtarët e grupit të tij (i cili në shtator 2023 kreu një sulm paramilitar/terrorist në Banjska të Kosovës, sipas skenarit të Donbasit)”.

“Kjo është hera e dytë që shohim anëtarë të asaj organizate paramilitare duke siguruar tubimet politike të Vuçiçit dhe rezidencën e tij.

Le të kujtojmë:

1️⃣ Më 24 shtator 2023, Milan Radoiçiç dhe grupi i tij i armatosur rëndë u përpoqën të provokonin një luftë në veri të Kosovës sipas skenarit të Donbasit.

2️⃣ Ky burrë me mjekër që ecën pas Radoiçiçit në video është gjithashtu pjesë e atij grupi, dhe i cili u pa duke ruajtur ndërtesën e presidencës ndërsa Vuçiç ishte brenda më 28 qershor 2025.

3️⃣ Pas përpjekjes për të provokuar luftë në veri të Kosovës, Vuçiç mohoi çdo lidhje me atë ngjarje dhe ata njerëz kudo në Perëndim.

4️⃣ Megjithatë, të gjithë ata njerëz që u filmuan me dron gjatë përpjekjes për të provokuar luftë në Kosovë në shtator 2023, sot ofrojnë siguri për Vuçiçin dhe organizojnë tubime publike për të.

5️⃣ Milan Radoiçiç është në njoftimin e kuq të Interpolit.

6️⃣ Milan Radoiçiç u shpall përgjegjës për vrasjen e Oliver Ivanoviçit me një vendim gjyqësor.

Sot nuk mund të ketë dilemë:

🅰️ Vuçiç krijoi një grup paraushtarak/terrorist në vitin 2023 për operacionet në Kosovë dhe zbatimin e skenarit të Donbasit.

🅱️ Sot, Vuçiç e përdor atë grup terrorist për shtypjen e qytetarëve dhe mbijetesën në pushtet përmes përdorimit të forcës dhe dhunës. Sepse ai grup u krijua pikërisht për terror, dhunë dhe konflikte të armatosura.

Formalisht të pavarur nga shteti. Vërtet – shteti i Vuçiçit i formoi ata”, shkroi avokati.

Postimi i plotë:

Aleksandar Vučić ponovo javno angažovao Milana Radoičića da sa svojim teroristima organizuje i obezbeđuje njegove političke kolone❗

Na njegovom skupu juče snimljen je Milan Radoičić zajedno sa članovima svoje grupe (koja je u septembru 2023. sprovela paramilitarni/teroristički… https://t.co/AsPjfL4c4R pic.twitter.com/B2GsKJOoIX

— Advokat Čedomir STOJKOVIĆ (@FIGHT_4_RIGHT_S) September 14, 2025