Mirena Osmanit: Po i përdorë xhipat e shtetit dhe policinë edhe për kifle me ju ble vajzave  – janë privilegje prej taksave tona

Lajme

Gazeta Express

10/09/2025 18:30

Gazetari Ilir Mirena i ka reaguar presidentes Vjosa Osmani, pasi tha se “po përndiqet nga mediat ajo dhe familja saj”.

Kameramani i “Paparacit” Jetmir Muji u arrestua pasi ka xhiruar, më pas është liruar.

Mirena ka thënë se i ka treguar një polic i mbrojtjes së presidentes se kanë përdorur veturën dhe policinë e shtetit për t’iu blerë dy kifle fëmijëve.

“Perdori xhipat e shtetit dhe policine e shtetit edhe per dy kifle me i dergu me jau ble vajzave, e tani “vala po m’pelndjekin”… Natyrisht qe ke me u ndjek prej mediave, se keto priviligje s’t’i ka lane as baba as vjehrri. Jane privilegje qe burojne prej taksave te shtetit tone, te cilit bash kurgja s’i ke dhane, as ne lufte as ne liri.  *Kete per kifle dhe abuzime tjera m’i ka tregu personalisht nje polic i mbrojtjes se afert te Vjosa Osmanit, dhe nuk eshte hamendesim i imi”, ka thënë Mirena. /Gazeta Express